لاہور: وزیراعلیٰ پنجاب شہبازشریف نے کہا ہے کہ ہیلتھ سیکٹرمیں اربوں روپے مختص کئے جانے کے باوجود مثبت نتائج نہیں مل رہے جو لمحہ فکریہ ہے تاہم چلڈرن اسپتال میں خناق سے متاثرہ بچوں کی ہلاکت کی تحقیقات جاری ہیں،جلد حقائق سامنے آئیں گے۔

یونیورسٹی آف ہیلتھ سائنسز لاہور کے پہلے کانوکیشن سے خطاب کرتے ہوئے وزیراعلٰی پنجاب شہبازشریف کا کہنا تھا کہ ہیلتھ سیکٹر کوتمام سہولیات فراہم کی جارہی ہیں لیکن مثبت نتائج حاصل نہ ہونے پر حکومت سوچ میں مبتلا ہے جبکہ چلڈرن اسپتال لاہور میں خناق کے مرض میں مبتلا سولہ بچوں کی ہلاکت لمحہ فکریہ ہے تاہم فنڈز کی کمی کا تاثر غلط ہے۔

شہبازشریف کا مزید کہناتھا کہ پی آئی سی میں دل کی بیماری کی دوائی سے سو افراد کی ہلاکت محکمہ صحت کی غلط پالیسیوں کا نتیجہ تھا لیکن پھرڈینگی وائرس پر قابو پاکر تمام کوتاہیوں کا ازالہ کردیا گیا ہے آج بیرونی ممالک پاکستانی ڈاکٹرز کو اپنے ملک میں بلاتے ہیں۔