لاہور:وفاقی وزیر ریلوے خواجہ سعد رفیق کا کہنا ہے کہ عمران خان کا مقصد کرپشن کا خاتمہ نہیں بلکہ ملکی اقتصادی ترقی کو روکنا ہے۔ پانامہ لیکس کے معاملے پر ابھی کوئی کمیشن نہیں بنایا گیا۔

لاہور میں میڈیا سے گفتگو کرتے ہوئے سعد رفیق نے کہا کہ پی ٹی آئی چوبیس اپریل کو بھنگڑا شو منعقد کرنے جارہی ہے، عمران خان پانامہ لیکس کے معاملے پر انکوائری کمیشن بننے نہیں دینا چاہتے، ان کا مقصد کرپشن کا خاتمہ نہیں بلکہ ملکی اقتصادی ترقی کو روکنا ہے۔

خواجہ سعد رفیق کا کہنا تھا کہ حکومت کے کسی نمائندے نے وزیر اعظم کی واپسی سے متعلق ٹائم فریم نہیں دیا۔ حکومت پانامہ لیکس کے معاملے پر تمام سیاسی جماعتوں سے رابطہ کررہی ہے، انکوائری کمیشن کے لیے ابھی کسی فرد کا نام فائنل نہیں کیا گیا۔