اسلام آباد:سپریم کورٹ بارنے پانامالیکس پر قائم ہونے والے جوڈیشل کمیشن کے طریقہ کارکی مخالفت کردی۔ بار کا کہنا ہے کہ حکومت نے سپریم کورٹ پر ٹی او آرز مسلط کیے۔ چیف جسٹس کمیشن کا حصہ بنے تو بھرپورمخالفت کریں گے۔

پانامہ کا ہنگامہ،ایک مسئلہ ختم ہوا دوسرا کھڑا ہوگیا۔سپریم کورٹ بار نے پاناما لیکس پر بننے والے جوڈیشل کمیشن کے طریقہ کار کی مخالفت کردی۔سپریم کورٹ بار کا موقف ہے کہ حکومت کے جاری کردہ ٹرم آف ریفرنس میں کمیشن کوبیرون ممالک تحقیقات کا اختیارنہیں دیا گیا۔اس کے ساتھ ساتھ کمیشن کے پاس بیرون ملک بینکوں، اداروں اورافراد تک رسائی اورتحقیقات کا مینڈیٹ بھی نہیں۔ٹرم آف ریفرنس میں تحقیقات کیلئے کوئی ٹائم فریم بھی نہیں دیا گیا۔

سپریم کورٹ بار کا کہنا تھا کہ حکومت سپریم کورٹ کواستعمال کرکے اپنی مرضی کا فیصلہ لینا چاہتی ہے۔چیف جسٹس کمیشن کا حصہ بنے توبھرپورمخالفت کی جائے گی۔اس حوالے سے بار نے جلد آئندہ کے لائحہ عمل کا بھی اعلان کیا۔