راولپنڈی:آرمی چیف جنرل راحیل شریف نے شمالی وزیرستان کا دورہ کیا تو اس موقع پر ان کا کہنا تھا کہ دہشتگردوں کے مکمل خاتمے تک آپریشن جاری رہے گا۔

آرمی چیف نے شمالی وزیرستان کے اگلے مورچوں کا دورہ کیا۔انہوں نے جوانوں سے ملاقات کی اور ایک سو دس بیڈز پر مشتمل اسپتال کا افتتاح بھی کیا۔اس موقع پر شمالی وزیرستان کے قبائلی عمائدین اور متاثرین سے خطاب کرتے ہوئے آرمی چیف نے کہا کہ دہشتگردوں کے نیٹ ورک اور روابط کو پورے ملک میں بے نقاب کیا جارہا ہے ایسے گٹھ جوڑ کو ہر قیمت پر توڑ دیا جائے گا جبکہ دہشتگردوں کے مکمل خاتمے تک آپریشن جاری رہے گا۔

آرمی چیف نے شمالی وزیرستان کے دورے پر آپریشن ضرب عضب میں فوجی افسروں اور جوانوں کے جذبے کوبھی سراہا۔