لندن:کپتان نے 1983میں آف شور کمپنی بنانے کا اعتراف کرلیا۔

لندن پہنچنے پر میڈیا سے بات کرتے ہوئے عمران خان نے کہا کہ میں نے برطانیہ میں کئی سال کاونٹی کرکٹ کھیلی اور ٹیکس بچانے کےلئے 1983 میں اکاؤنٹنٹ کے کہنے پر آف شور کمپنی بنائی۔

عمران خان کا کہنا تھا کہ میں برطانیہ کا شہری نہیں تھا، میرا حق تھا کہ میں آف شور کمپنی بناتا، اپنے اثاثوں کی تفصیلات بتا چکا ہوں، آف شور کمپنی لندن میں فلیٹ کی خرید و فروخت کےلئے بنائی تھی۔

عمران خان نے وزیراعظم کو تنقید کا نشانہ بناتے ہوئے کہا کہ وزیراعظم خود کو مغل اعظم سمجھتے ہیں، جمہور یت میں سوال کرنا اپوزیشن کا حق ہوتا ہے اور وزیراعظم پارلیمنٹ کو جوابدہ ہیں۔