اسلام آباد:پاناما پیپرزکے ٹی اوآرزسے متعلق 12رکنی پارلیمانی کمیٹی کا باقاعدہ اجلاس آج ہورہا ہے ۔

اسپیکرقومی اسمبلی سردارایازصادق نے گزشتہ روزٹی اوآرکمیٹی کے پہلے اجلاس کا نوٹیفکیشن جاری کیا ۔

پارلیمانی کمیٹی کا پہلا اجلاس آج سہ پہراسپیکرکانفرنس روم پارلیمنٹ ہاؤس میں ہورہا ہے،کمیٹی2 میں پاناما پیپرزسے متعلق بننے والے جوڈیشل کمیشن کے شرائط کارمرتب کرے گی ۔

 بارہ رکنی کمیٹی میں حکومت کی جانب سے اسحاق ڈار، خواجہ آصف، سعد رفیق، انوشہ رحمان، اکرم درانی اورحاصل بزنجو شامل ہیں ۔

جبکہ اپوزیشن کی نمائندگی اعتزازاحسن، شاہ محمود قریشی، صاحبزادہ طارق اللہ ،بیرسٹر سیف، طارق بشیرچیمہ اورالیاس بلورکررہے ہیں ۔

گزشتہ روزاپوزیشن کے نمائندے شاہ محمود قریشی نے کہا تھا کہ ٹی اوآرکمیٹی سے کوئی توقع نہیں ، پاکستان جوڈیشل کمیشن کا قبرستان ہے آئندہ 15 روزمیں کچھ ہوتا دکھائی نہیں دے رہا۔