لندن :وزیراعلیٰ پنجاب شہباز شریف نے کہا ہے کہ ڈاکٹرز نے وزیراعظم نواز شریف کی دل کی سرجری کامیاب قرار دے دی۔

لندن میں میڈیا سے بات چیت کرتے ہوئے شہباز شریف نے کہا کہ نواز شریف کے چار بائی پاس ہوئے تاہم اب موجودہ سرجری بھی ڈاکٹرز نے کامیاب قرار دے دی۔شہباز شریف کا کہنا تھا کہ وزیر اعظم نواز شریف جلد پاکستان واپس آئینگے ۔اس موقعے پر انہوں نے دعائیں کرنے والے تمام افراد کا شکریہ اداکیا ۔

دوسری جانب وزیر اعظم نواز شریف کے بیٹے حسین نواز نے بھی کامیاب آپریشن کی تصدیق کی اور کہا کہ وہ قوم کے بہت مشکور ہیں جنہوں نے ان کے والد کیلئے بھرپور دعائیں کی ہیں۔واضح رہے کہ آپریشن کے موقعے پر وزیر اعظم نواز شریف کے اہلخانہ اور ان کے بیٹے بھی انکے ساتھ لندن میں ہسپتال میں موجود ہیں ۔