اسلام آباد:وفاقی وزیر خزانہ اسحاق ڈار نے کہا ہے کہ گوادر کی ترقی کیلئے خصوصی رقم اور سی پیک پر چالیس ارب ڈالر کی سرمایہ کاری کی جائیگی۔اپنی بجٹ تقریر میں انہوں نے مزید کہا کہ اسسٹنٹ کی ترقی گریڈ چودہ سے سولہ میں کردی گئی ہے جبکہ یوڈی سی کو گریڈ نوسے گریڈ گیارہ میں اپ گریڈ کردیا گیا ۔

اسحاق ڈار نے مزیدکہا کہ گریڈ سا ت کی ایل ڈی سی کی پوسٹ کوگریڈ نو میں اپ گریڈکردیاگیاہے۔ان کا کہنا تھا کہ ہائرایجوکیشن کیلئے سات ارب روپے سے زائد مختص کیے گئے ہیں، انہوں نے مزیدکہا کہ سی پیک منصوبے پر چالیس ارب ڈالرکی سرمایہ کاری کی جائیگی ، گوادرکی معاشی ترقی کیلئے خصوصی رقم مختص کی جائیگی۔

وفاقی وزیر خزانہ کا کہنا تھا کہ بیس لاکھ روپے سے زائد کرایہ وصول کرنیوالوں سے بیس فیصدٹیکس وصول کیاجائیگا۔انہوں نے مزید کہا کہ مکانات کے کرائے پر دولاکھ روپے تک کی آمدن ٹیکس سے مستثنیٰ ہے جبکہ آئندہ مالی سال کیلئے کارپوریٹ ٹیکس اکتیس فیصد کردیاگیا۔ وزیر خزانہ نے مزید کہا کہ یکم جولائی دوہزار سولہ سے کھاد کی فی بوری پر قیمت چودہ سو روپے کی جارہی ہے۔