کراچی:سندھ ہائیکورٹ میں توہین عدالت کیس میں آئی جی سندھ اوردیگرپولیس افسران کے وکلا ء نے بینچ پرعدم اعتماد کی درخواست جمع کردی۔ وکلا نے معاملہ کسی اوربینچ کو منتقل کرنے کی استدعا کردی۔

سندھ ہائیکورٹ میں جسٹس احمد علی شیخ کی سربراہی میں دورکنی بینچ نے آئی جی سندھ اوردیگرپولیس افسران کے خلاف توہین عدالت کیس کی سماعت کی۔گزشتہ سماعت میں غیرحاضرایس پی طاہرنورانی عدالت میں پیش ہوئے تو عدالت نے غیرحاضری پراستفسارکیا۔طاہرنورانی کا کہنا تھا کہ والد بیمارہیں، اس لئے کل حاضر نہیں ہوسکا۔جس پرعدالت نے برہمی کا اظہارکرتے ہوئے کہا کہ آئی جی صاحب آپ نے توکل کہا تھا طاہرنورانی عمرے کی ادائیگی پرگئے ہیں۔کیوں نہ آپ کوشوکازدیا جائے۔

دوران سماعت آئی جی سندھ اوردیگر پولیس افسران کے وکلا نے بینچ پراظہارعدم اعتماد کی درخواست پیش کی۔وکلا نے عدالت سے استدعا کی کہ معاملہ کسی اوربینچ کو منتقل کیا جائے جس پرسماعت موقوف کردی گئی۔