اسلام آباد:وفاقی دارالحکومت میں گیس کی لوڈشیڈنگ سے لکڑی کا کاروبارکرنے والوں کی چاندی ہوگئی،طلب بڑھنے پرمنہ مانگے داموں فروخت کا سلسلہ جاری ہے۔

سردی کا پارہ ایسا چڑھا کہ سوئی گیس نے بھی شعلے بند کردیئے۔مہنگائی سے تنگ مگر مجبورشہریوں نے چولہے جلانے کے لیے لکڑیوں کا سہارا لے لیا،قیمتوں میں اضافہ تواپنی جگہ مگرلوگوں کو لکڑی کی خریداری میں بھی مشکل مراحل سے گزرنا پڑتا ہے۔پیسے پورے لینے کے باوجود سوکھی کے ساتھ گیلی لکڑیاں جلانے میں مزید مشکلات پیدا کردیتی ہیں،شہری کہتے ہیں کہ حکومت گیس فراہم نہیں کرسکتی تو کم ازکم لکڑی کی قیمت ہی کم کردے۔

شہریوں کا گلہ شکوہ اپنی جگہ مگرلکڑی کے کاروبارسے منسلک افراد کا کہنا ہے کہ موجودہ حالات میں اس سے کم قیمت پرلکڑی فروخت نہیں کرسکتے۔