راولپنڈی:چیف آف آرمی اسٹاف جنرل راحیل شریف نے فاٹا میں جدید سپورٹس کمپلیکس بنانے کا اعلان کر دیا، کہتے ہیں پورے ملک میں امن و امان کی صورت حال میں نمایاں بہتری آچکی ہے۔

ضرب عضب کی صورت میں جنگ میں ہماری کامیابیوں کا سفر جاری رہے گا۔آرمی چیف جنرل راحیل شریف نے ان خیالات کا اظہار فاٹا یوتھ فیسٹیول میں کیا۔ان کا کہنا تھا کہ ضرب عضب کی کامیابی قبائلی بھائیوں،پاک فوج، قوم کی قربانیوں کی بدولت ہے۔

ضرب عضب کی صورت میں جنگ میں ہماری کامیابیوں کا سفر جاری ہے۔ جنرل راحیل شریف نے کہا کہ ہماری قوم ایک عرصے سے دہشت گردی کے خلاف لڑرہی ہے۔ ضرب عضب کی کامیابیوں میں پاک فوج کو پوری قوم کی حمایت حاصل ہے۔ پورے ملک میں امن و امان کی صورت حال میں نمایاں بہتری آچکی ہے۔آرمی چیف نے فاٹا میں جدید اسپورٹس کمپلیکس بنانے کا اعلان بھی کیا۔