اسلام آباد:وزیردفاع خواجہ آصف کا کہنا ہے کہ کالعدم تحریک طالبان پاکستان کو  افغان اداروں کی سرپرستی حاصل ہے ۔ دہشت گرد افغانستان کے راستے پاکستان میں داخل ہوتے ہیں ۔

سینیٹ کا اجلاس چیئرمین رضا ربانی کی  صدارت میں ہوا۔ ایوان میں اظہارخیال کرتے ہوئے وزیردفاع خواجہ آصف نے کہاکہ آج ہماری زمین 30 لاکھ افغان مہاجررہتے ہیں پاک افغان سرحد پرکل 78 کراسنگ پوائنٹ ہیں جن میں سے 16 نوٹیفائڈ جبکہ 9 بند ہیں۔ دونوں ممالک میں کشیدگی کے باعث اس پرزیادہ بحث نہیں کرنا چاہتا تاہم چمن اورطورحم مین کراسنگ پوائنٹ ہیں۔

 خواجہ آصف نے کہاکہ افغانستان سے کوئی جھگڑا نہیں جولوگ پاکستان ترقی اورامن نہیں چاہتے وہ کشیدگی میں کردارادا کررہے ہیں ۔

 وزیردفاع نے بتایا کہ افغان مہاجرین 30 سال سے یہاں رہے کسی نے احسان نہیں مانا 30 لاکھ افغانی واپس چلے جائیں توافغان شوری اورحقانی گروپ کی سرپرستی کا الزام نہیں آئے گا ۔

 خواجہ آصف نے بتایاکہ حقانی نیٹ ورک کی سرپرستی کے الزمات پر لگائے جا تے رہے جبکہ افغانستان تحریک طالبان پاکستان کو پناہ دے رکھی ہے پاکستان میں قتل وغارت کے ذمہ دار تحریک.طالبان پاکستان ہیں ۔

ان کا کہناتھاکہ افغان سفیراورافغان فوجی قیادت نے اعلی سطح پرمسئلہ حل کرنے کا کہا ہے فلیگ میٹنگ بھی جاری ہے تاہم معاملے کو فلیگ میٹنگ تک ہی محدود رکھا ہے ۔

 ملا منصورکی ہلاکت کے بعد امن عمل کا کیا بنتا ہے کچھ نہیں کہہ سکتے ۔ بعد ازاں سینیٹ کا اجلاس کل 10:30 بجے تک ملتوی کردیا گیا ۔