کراچی :وزیراعلیٰ سندھ قائم علی شاہ نے ہدایت کی ہے کہ جنریٹر لگا کر سڑکوں سے پانی صاف کیا جائے لیکن انھوں نے یہ نہیں بتایا کہ اس پانی کو کہاں پھینکا جائے۔
کراچی میں وزیراعلی سندھ کی زیر صدارت رین ایمرجنسی کی صورتحال پراجلاس میں اہم فیصلے کرلئے گئے۔ وزیراعلیٰ نے ہدایت کی کہ متعلقہ محکمے اپنی کارکردگی کو بہتر بنائیں تاکہ شہریوں کو پریشانی کا سامنا نہ کرنا پڑے۔اجلاس میں وزیراعلی نے تمام اداروں کو کارکردگی مزید بہتربنانے پرزوردیا۔اجلاس کو بتایاگیاکہ شہرمیں چارنالوں کی صفائی کا کام شروع ہوچکا ہے۔

وزیراعلیٰ کا کہنا کہ تینتیس نالوں کی صفائی کے لیے چار سو سڑسٹھ ملین جاری کردیے ہیں ۔انہوں نے ہدایت کی کہ جنریٹرلگا کرسڑکوں سے پانی کی نکاسی کویقینی بنایا جائے ۔

واٹربورڈحکام نے بتایا کہ لوڈشیڈنگ کی وجہ سے دھابیجی پمپنگ اسٹیشن کونقصان پہنچا ہے، جس پروزیر اعلیٰ نے سیکریٹری توانائی کوکے الیکٹرک سے معاملے پربات کرنے کی ہدایت کردی،وزیراعلیٰ نے کے ایم سی واٹر بورڈ ، ڈی ایم سیز اور ڈپٹی کمشنرز کو چوبیس گھنٹے متحرک رہنے کی بھی ہدایت کی۔