لاہور :عمران خان کی ہمشیرہ ڈاکٹر عظمی نے کہا ہے کہ ایلیٹ فورس کے اہلکاروں نے بدتمیزی کی ۔

آج نیو زکے مطابق ڈاکٹر عظمی کا کہنا تھا کہ پولیس اہلکاروں نے ان پر بندوقیں تانیں اور ڈرایا دھمکایا ہے ،انہوں نے مزید کہاکہ گاڑی میں سفر کے دوران ایلیٹ فورس کے اہلکاروں نے ان کو بے جا روکا جس پر ان کو بتایا گیا کہ مریم نواز آرہی ہیں ،اسلئے راستے بند کیے گئے ہیں ۔ڈاکٹر عظمی نے مزید کہا کہ اس دوران ایلیٹ فورس کے اہلکاروں نے ان سے بدتمیزی کی اور دھمکیاں دیں ۔

ادھر پی ٹی آئی سربراہ عمران خان نے بھی واقعے کی تصدیق کی اورکہا کہ یہ حکمران اس ملک کو اپنے ملک کی جاگیر سمجھتے ہیں ۔عمران خان نے سوال کیا کہ ان کو یہ حق کس نے دیا ہے ۔اس موقعے پر انہوں نے ٹی او آرز کا تذکرہ بھی کیا اور کہا کہ یہ وہ حکمران ہیں جو لو ٹ مار بھی کرتے ہیں اور اپنے لئے قانون بھی خود بناتے ہیں ۔عمران خان کا کہنا تھا کہ کس ملک میں لوٹ کھسوٹ کرنے والے خود قانون بناتے ہیں ۔

دوسری جانب پی ٹی آئی پنجاب نے بھی واقعے کی بھرپور الفاظ میں مذمت کی ۔پی ٹی آئی کے رہنما نعیم الحق نے کہا ہے کہ پنجاب پولیس حکمرانوں کے مفادات کی حفاظت کرنے والی فورس کا روپ دھار چکی ہے اور حکمرانوں کا یوم حساب قریب ہے۔