فائل فوٹو

لاڑکانہ: مسلم لیگ ق کے رہنما بابو غلام سرور سیال  نے الزام عائد کیا ہے کہ چیف جسٹس سندھ ہائیکورٹ کے بیٹے کے اغوا میں وزیر داخلہ سندھ سہیل انور سیال اور ان کے بھائی طارق سمیت تین پولیس افسران ملوث ہیں ۔ تفتیشی ادارے نے بلایا تو ان پولیس افسران کے نام اور تمام ثبوت پیش کروں گا۔

لاڑکانہ میں مسلم لیگ ق کے رہنما بابو غلام سرور سیال نے تہلکہ خیز پریس کانفرنس کی۔پریس کانفرنس میں انہوں نے وزیر داخلہ سندھ سہیل انور سیال اور ان کے بھائی طارق پر سنگین الزامات لگا دیئے۔

بابو سرور سیال نے الزام عائد کیا کہ رینجرز کو مطلوب اسد کھرل طارق سیال کا فرنٹ مین ہے۔ اس نے وزیر داخلہ سہیل انور سیال کے ساتھ مل کر اربوں روپے کی کرپشن کی۔انہوں نے کہا کہ سہیل انور سیال اور طارق نے لاڑکانہ کو لیاری گینگ وار جیسا علاقہ بنا دیا،طارق لاڑکانہ کا عذیر بلوچ بنا ہوا ہے۔

سرور سیال نے الزام لگایا کہ چیف جسٹس سندھ ہائیکورٹ کے بیٹے کے اغوا میں وزیر داخلہ سندھ اور ان کے بھائی سمیت تین پولیس افسران ملوث ہیں ۔ تفتیشی ادارے نے بلایا تو پولیس افسران کے نام اور تمام ثبوت پیش کروں گا۔

سرور سیال نے مزید کہا کہ سیال برادران کو گرفتار کیا جائے تو ان کے قبضے سے اربوں روپے اور اسلحہ نکلے گا۔انہوں نے آرمی چیف اور ڈی جی رینجرز سندھ سے مطالبہ کیا کہ انہیں تحفط فراہم کر کے سہیل انور سیال اور طارق انور سیال کے خلاف کاروائی کی جائے۔

۔