فیصل آباد:عمرہ کی ادائیگی کے بعد لاہور ایئرپورٹ سے فیصل آباد جانے والے خاندان کی گاڑی حادثے کا شکار ہوگئی،پانچ افراد جاں بحق ہوگئے۔ ناولٹی پل پر ٹرک کی ٹکر سے دو موٹرسائیکل سوار مارے گئے۔

فیصل آباد میں سرگودھا روڈ پر ڈپٹی والا انٹر چینج کے قریب تیز رفتار کار بس میں جا گھسی جس کے نتیجے میں دو خواتین سمیت پانچ افراد جاں بحق ہو گئے۔

حاجی اشرف انکی اہلیہ زرینہ،صفیہ ثاقب، سبحان اور ثاقب جاوید عمرہ کرکے لاہور ائیر پورٹ سے واپس فیصل آباد آرہے تھے۔

ادھر ناولٹی پل پر تیز رفتار بس ٹائی راڈ کھلنے سے بے قابو ہو کر موٹر سائیکل پر چڑھ دوڑی جس کے نتیجے میں موٹر سائیکل سوار دو افراد جاں بحق اور ایک زخمی ہو گیا۔