کراچی:کراچی میں پولیس کے محکمہ انسدادی دہشت گردی(سی ٹی ڈی )سے مقابلے کے دوران 2’دہشت گرد ‘مارے گئے جبکہ سیاسی جماعت کے 2کارکنوں سمیت سو سے زائد افراد کو گرفتار کرلیا گیا۔

بدھ کے روز شاہ لطیف ٹاون میں سی ٹی ڈی نے خفیہ اطلاع پر کارروائی کی ۔ جہاں فائرنگ کے تبادلے کے بعد 2 مطلوب دشت گرد ہلاک ہوگئے۔

ہلاک ہونے والے دشت گردوں کے قبصے سے بھاری تعداد میں اسلحہ ،خودکش جیکٹ بھی برآمد ہوئی ہے، مقابلے کے دوران ایک سی ٹی ڈی کا اہلکار بھی زخمی ہوگیا۔ دشت گروں کے مزید ساتھیوں کی تلاش جاری ہے ۔

کراچی کے علاقے منگوپیر پختون آباد میں پولیس نے سرچ آپریشن کیا۔ گھر گھر تلاشی کے دوران 98 افراد کو حراست میں لے کر تھانے منتقل کر دیا۔ 2 افراد کے قبصے سے دو ٹی ٹی پستول بھئ برآمد کیے ہیں۔

 لیاقت آباد کے علاقے غریب آباد میں قانون نافذ کرنے والے ادارے نے کاروائی کرتے ہوئے سیاسی جماعت کے 2 کارکنوں کو گرفتارکرلیا۔ ذرائع کے مطابق ،دونوں  بھتہ خوری اور ٹارگٹڈ کلنگ میں  ملوث ہیں۔

 شاہراہ فیصل پولیس نے کاروائی کرتے ہوئے 4ملزمان کو گرفتارکرکے ان کے قبصے سے غیرملکی کرنسی لیپ ٹاپ اور زیورات برآمد کرلیے۔

 پولیس کے مطابق ،گرفتارملزمان میں شیراز،فیضی ،فہیم اور علی شامل ہیں پولیس نے 2 ملزمان علی اور شیرازکو کرائم برانچ پولیس کے حوالے کر دیا۔

 ادھر ایف آئی اے حکام نے 5 غیر ملکیوں کو پاکستان میں بغیردستاویزات کے داخل ہونے پر گرفتارکرکے ان کے خلاف مقدمہ درج کرلیا۔