اسلام آباد:مون سون بارشوں کا سلسلہ وقفے کے بعد ایک بار پھر شروع ہوگیا،اسلام آباد،راولپنڈی اور گردونواح میں موسلادھار بارش کے بعد موسم خوشگوار ہوگیا۔

اسلام آباد،،راولپنڈی اورگردونواح میں موسلادھار بارش سے موسم سہانا ہوگیا ہے،جڑواں شہروں اور مضافاتی علاقوں میں مون سون  بارشوں کے ساتھ چلنے والی خوشگوار ہوائوں سے موسم خوشگوار ہوگیا ہے۔

 محکمہ موسمیات کا کہنا ہے کہ آئندہ چوبیس گھنٹے کے دوران مالاکنڈ،ہزارہ،گوجرانوالہ،راولپنڈی،لاہور، اسلام آباد،گلگت بلتستان اورکشمیرمیں چند مقامات پرتیز ہواؤں اور گرج چمک کیساتھ ،جبکہ سندھ،مکران کے ساحلی علاقوں میں بھی ہلکی بارش  کا امکان ہے۔

بالائی علاقوں میں موسلادھاربارشوں کے باعث ندی نالوں میں طغیانی اورپہاڑی علاقوں میں لینڈ سلائیڈنگ کا بھی خدشہ ہے ۔