اسلام آباد:پی آئی اے نے 14 اگست سے پریمیئر سروس شروع کرنے کا اعلان کردیا،مریم نواز کہتی ہیں وہ دن دور نہیں جب پی آئی اے کا شمار دنیا کی بہترین ایئر لائنز میں ہوگا۔

پاکستان انٹرنیشنل ایئرلائنز کمپنی نے 14 اگست سے اپنے مسافروں کیلئے نئی اور بہتر پریمیئر سروس شروع کرنے کا اعلان کیا ہے۔

پی آئی اے چئیرمین اعظم سہگل کے مطابق، نئی پریمیئر سروس کے تحت مسافروں کو سفر کی بہتر سہولت ملے گی، 4 نئے طیارے ویٹ لیز یعنی عملے کے بغیر حاصل کیے جائیں گے۔

سری لنکن ماہرین کی ایک ٹیم کراچی میں ہے جو تین ہفتے تک پی آئی اے کے عملے کو خصوصی تربیت فراہم کرے گی۔

 ذرائع کے مطابق ،پی آئی اے نے سری لنکا کی قومی فضائی کمپنی سے 4 ائیربس اے تھری تھرٹی طیاروں کو بغیر عملے کے لیز پر لینے کے معاہدے پر اتفاق کرلیا ہے جس کا باضابطہ اعلان آئندہ چند دنوں میں متوقع ہے۔

وزیراعظم کی صاحبزادی مریم نواز نے اپنے ٹوئیٹ میں کہا ہے کہ یہ ہے نوازشریف کا دور اور وہ دن دور نہیں جب پی آئی اے کا شمار دنیا کی بہترین ایئر لائنز میں ہوگا۔