کراچی:انسداد دہشت گردی کی عدالت نے پی ایس پی رہنما انیس قائم خانی کی درخواست ضمانت پر فیصلہ 3اگست  کو سنایا جائے گا۔

 ڈاکٹر عاصم حسین کے خلاف دہشت گردوں کے علاج کے مقدمے گرفتار انیس قائم خانی کی درخواست ضمانت کی سماعت انسداد دہشت گردی کی عدالت میں ہوئی۔

 انیس قائم خانی  کے وکلاء نے دلائل دیتے ہوئے کہا کہ گرفتار ملزمان نے کبھی دہشت گروں کے علاج  کے لیئے فون نہیں کیا اور کوئی قانون مریض کے علاج سے نہیں روکتا یہ ڈاکٹر کے فرائض منصبی میں شامل ہے  جبکہ انیس قائم خانی کئی برس ایم کیوایم  کو خیر باد کہہ کےہیں۔

 عدالت کا کہنا تھا کہ اگر گولی سے زخمی ملزم  علاج کے لیےآئے تو اس کی اطلاع پولیس کوکرنا چاہیے، انیس قائم خانی کے وکلاء کا کہنا تھا تفتشی افسر ملزمان کو بے گناہ قرار دے چکا ہے۔

 جس پر عدالت کا کہنا تھا کہ اگر تفتشی افسر نے میرے سامنے ملزموں کو بے گناہ قرار دینے کی رپورٹ پیش کی ہوتی  تو اسے جیل بھیج دیتی  تفتشی افسر کو  اے ٹی اے کی دفعات ختم کرنے کا اختیار نہیں ہے۔

 رینجرز کے وکلاء کا مؤقف تھا کہ پولیس کو 330 دہشت گردوں  کے خلاف مقدمات کی کاپیاں، 27 دہشت گرودوںٕ کے بلز اور ان ملزمان کی دستاویزات بھی پیش کی جن کی گرفتاری پر انعام مقرر ہے ایم کیوایم کے 29 ٹارگٹ کلرز کا علاج کیا گیا ان میں ایسے ملزمان  بھی تھے جو کہ سیکیورٹی فورسز پر حملوں میں ملوث تھے ۔

ڈاکٹر عاصم کی جے آئی ٹی ریکارڈ پر موجود ہے جس کو نظر انداز نہیں کیا جاسکتا انیس قائم خانی ملک میں  موجود نہیں تھے لیکن علاج کے احکامات دیتے رہے اس پر انیس قائم خانی کے وکلاء کا کہنا تھا کہ گواہوںٕ کو ایگزامن نہیں کیاگیا انیس قائم خانی نے خود سرنڈر کیا ۔

جس پر عدالت کا کہنا تھا کہ اگر وہ پکڑے جاتے توایگزامن ہوتے دلائل مکمل ہونے پر عدالت نے فیصلہ 3  اگست تک محفوظ کرلیا۔