کراچی:وزیراعلیٰ سندھ مراد علی شاہ صوبے میں بہتری کیلئے سرگرم ہوگئے۔ کہتے ہیں صوبے میں غیر معیاری اسکیموں کے فنڈز روک دیئے جائیں گے۔

صوبے میں بہتری اوراقدامات کیلئے مراد علی شاہ نے محکموں کو آڑھے ہاتھوں لینا شروع کردیا۔

وزیراعلی سندھ سید مراد علی شاہ کی زیرصدارت سندھ سیکریٹریٹ میں اعلی سطح کا اجلاس ہوا۔ اجلاس میں محکمہ تعلیم،صحت اور بلدیات کی ترقیاتی اسکیموں کا جائزہ لیا گیا ۔

اجلاس سے خطاب میں وزیراعلی سندھ نے کہا کہ مرمت اورمینٹیننس فنڈز500کروڑ کردیا گیا ہے۔ اب کوئی عمارت یا سڑک خستہ حال نظر نہ آئے۔ میں خود دورہ کرکے ہر چیز کا جائزہ لوں گا۔

مراد علی شاہ نے کہا کہ صحت کے 34 نئے منصوبوں کے لیئے 2937 ملین روپے رکھے گئے ہیں۔ انہوں نے کہا محکمہ صحت کے جاری 86 منصوبے دسمبر تک مکمل ہوجانے چاہئیں۔

 انہوں نے چیف سیکریٹری کو مخاطب کرتے ہوئے کہا چیف سیکرٹری صاحب آپ بھی محکمہ صحت کے منصوبوں پر نظررکھیں۔

 سید مراد علی شاہ نے کہا محکمہ ورکس اینڈ سروسز کو 219 کروڑ روپے جاری کئے جاچکے ہیں لیکن خرچ کچھ نہیں ہوا آئندہ یہ نہیں سنوں گا کھ خرچ نہیں ہوسکے، فنڈزجاری ہوئے ہیں تو خرچ ہونے چاہے۔

وزیراعلی سندھ نے خبردار کیا کہ جس محکمے میں کام سست ہوگا،ایکشن لوں گا،اب ٹرانسفر اورپوسٹنگ پرفارمنس کی بنیاد پر ہوگی۔ انہوں نے محکموں کی مکمل اسکیموں کی فہرست 15 دن میں پیش کرنے کے بھی احکامات دیئے۔