کوئٹہ:کمانڈر سدرن کمانڈ لیفٹیننٹ جنرل عامر ریاض کا کہنا ہےکہ بھارت نے پاکستان کیخلاف غیر رسمی  جنگ شروع کررکھی ہے جس کا واضع ثبوت کل بوشن کا بلوچستان سے گرفتار ہوناہے۔ دہشت گردوں نے کوئٹہ میں ریاست کے اہم ستون کو نشانہ بنایا ہے۔

کمانڈرسدرن کمانڈ نے کوئٹہ پریس کلب میں صحافیوں سے آج نیوز اور ڈان نیوز کے کیمرہ مین شہزاد خان اور محمود خان کی تعزیت کی۔

 اس موقع پر کمانڈر سدرن کمانڈ لیفٹیننٹ جنرل عامر ریاض کا کہنا تھا کہ بہت سے ممالک پاکستان کی ترقی نہیں چاہتے جن میں بھارت سہرفہرست ہے۔  دہشت گردوں نے عدلیہ اور میڈیا جیسے اہم ستونوں کو نشانہ بنایا۔

 انہوں نے کہا کہ پاکستان کے اندر اور باہر ملک دشمن عناصر کارفرما ہیں ۔ دہشت گردوں کو کوئی مذہب نہیں ہوتاسب کو امن کی بحالی کیلئےملکر ملک دشمنوں کے عزائم کو ناکام بنانا ہوگا۔

کمانڈرسدرن کمانڈ نے کہا کہ شہدائے سول اسپتال کو کسی صورت تنہا نہیں چھوڑا جائے گا۔ حکومت، عام لوگ اور فورسز سب شہدا کے ورثا کے غم میں برابر کے شریک ہیں۔عوام کسی بھی مشتبہ شخص کو دیکھیں تو اپنی ذمہ داری ادا کرتے ہوئے فورسسز کو مطلع کریں۔