اسلام آباد:وزیراعظم نوازشریف کا کہنا ہے كہ آزادی كا حصول جتنا مشكل ہے اس كی حفاظت اس سے زیادہ مشكل ہے،اس یوم آزادی كو اہل كشمیر كے نام كرتا ہوں۔

یوم آزادی كے موقع پرقوم كے نام اپنے پیغام میں وزیراعظم نوازشریف نے كہا ہے كہ اس سال 14 اگست كا دن روایتی مسرت كے ساتھ  دكھ كے احساس كو بھی اپنے اندر سمیٹے ہوئے ہے۔

كوئٹہ كے شہداء كا غم ابھی تازہ ہے آج ہم اُن شہداء كو یاد كررہے ہیں جنہوں نے اس آزادی كو قائم ركھنے كے لیے اپنی جانوں كا نذرانہ پیش كیا۔

وزیراعظم نے کہا کہ یہ یومِ آزادی اس وجہ سے بھی یاد گارہے كہ اِن دنوں مقبوضہ كشمیر میں آزادی كا جذبہ اپنے عروج پرہے۔ اہلِ كشمیركی نئی نسل نے ایك نئے جذبے كے ساتھ آزادی كا علم اٹھایا ہے۔ میں اس سال چودہ اگست كو آزادی كشمیر كے نام كرتا ہوں۔

وزیراعظم نے کہاکہ اگست كے مہینے میں جہاں ہم قائد اورتحریک پاكستان كے رہنماؤں اور كاركنوں كو یاد كرتے ہیں وہاں اُن شہدا كی یاد كے چراغ بھی ہمارے دلوں میں روشن ہوجاتے ہیں جو وطن كے لیے جان دے كر امر ہوگئے ہیں۔ ہم ان كی روحوں كو سلام پیش كررہے ہیں۔