دہشت گردشہریوں کے قتل عام میں ملوث تھے /فائل فوٹو

آئی ایس پی آر کے مطابق یہ دہشت گرد کوئٹہ میں آئی ایس آئی اورپولیس اہلکاروں کے ساتھ ساتھ فرقہ وارانہ اورشہریوں کے قتل عام میں ملوث تھے ۔

آرمی چیف کی توثیق کے بعد میجرعابد مجید اور ایف سی اہلکاروں کو شہید کرنے والے دہشت گرد بھی اپنے انجام کوپہنچیں گے۔

سزائے موت پانے والے دہشت گردوں کا تعلق کالعدم تحریک طالبان سے ہے، جو اسکولوں اورمواصلاتی نظام کو تباہ کرنے اور حملوں کی منصوبہ بندی میں ملوث تھے۔

تمام دہشت گردوں کوفوجی عدالتوں نے سزائیں سنا رکھی تھیں۔ سزائے موت پانے والوں میں ضیاء الحق، فضل ربی، محمد شیر، عمرزادہ لطیف الرحمن، محمد عادل، اصرار احمد، عبدالحمید ، حضرت علی، میاں سید اعظم اور قیصرخان شامل ہیں۔