گلگت:بھارتی وزیراعظم کے پاکستان مخالف بیان کیخلاف گلگت بلتستان قانون ساز اسمبلی میں 2قراردادیں منظور کرلی گئیں،قرارداد کے مطابق نریندر مودی کا بیان پاگل پن پر مبنی ہے۔

بھارتی وزیراعظم نریندر مودی کی زہر افشانی کیخلاف حکومت گلگت بلتستان بھی میدان میں آگئی۔

گلگت بلتستان قانون ساز اسمبلی میں بھارتی یوم آزادی پر نریندر کی تقریر کیخلاف 2 قراردادیں منظور کرلی گئی،ایوان کے کسی بھی رکن نے قرارداد کی مخالف نہیں کی ۔

قرارداد میں کہا گیا کہ نریندر مودی کا بیان پاگل پن پر مبنی ہے، گلگت بلتستان پاکستان کا حصہ ہے جبکہ بھارتی وزیراعظم کا ذہنی توازن مکمل طور پر خراب ہوچکا ہے۔

قرارداد میں یہ بھی کہا گیا ہے کہ مودی انتہا پسند ہندو ہیں، جو مسلمانوں پر مظالم ڈھا رہے ہیں، مودی نے یہ بیان مسلمانوں پر جاری مظالم سے توجہ ہٹانے کے لیے دیا ہے۔