آئرن انسانی جسم کےلیے بے حد ضروری ہے۔ اگر جسم میں آئرن کی کمی ہوجائے تو انسانی جسم میں کمزوری اور صحت خراب ہونا شروع ہوجاتی ہے۔ اگر آئرن کی کمی کو بروقت پورا نہ کیا جائے تو اس سے صحت کو خطرہ لاحق ہوجاتا ہے۔

٭ سانس کی کمی

اگر آپ کو ہلکی پھلکی چہل قدمی سے سانس پھول جاتا ہے یا پھرہلکی پھلکی ورزش سے بھی سانس پھولنا شروع ہوجاتا ہے تو اس بات سے ظاہر ہوتا ہے کہ آپ میں آئرن کی کمی ہے۔

٭ زرد جلد

جب انسانی جسم میں آئرن کی کمی ہونا شروع ہوجاتی ہے تو چہرے پر اس کے آثار نظر آنے لگتے ہیں۔ اگر آپ کے چہرے کا رنگ زرد ہوتا جارہا ہے تو عین ممکن ہے کہ آپ میں آئرن کی کمی ہے۔

٭ مسلز میں سوجن

آئرن کی کمی کے باعث آپ کے مسلز میں درد اور سوجن شروع ہوجاتی ہے۔ہلکا کام کرنے کے بعد بھی مسلز میں درد ہونا آئرن کی کمی کو واضح کرتا ہے۔

٭ بھربھرے ناخن

آئرن کی کمی کے باعث آپ کے ناخن بھی خراب ہونا شروع ہوجاتے ہیں۔ ناخن میں بھر بھرا پن اور ناخنوں کا آسانی سے ٹوٹ جانا آئرن کی کمی کو ظاہر کرتا ہے۔

٭کام پر کم توجہ

آئرن کی کمی کے باعث کام پر توجہ نہ ہونے کے برابر ہوجاتی ہے۔ جس کے باعث آپ کی کارگردگی متاثر ہوتی ہے ، جس کے بعد آپ کا کام کرنے کا دل نہیں چاہے گا۔

نوٹ: یہ مضمون محض عام معلومات کےلیے ہے، اس پر عمل کرنے سے قبل اپنے معالج سے ضرور مشورہ کرلیں۔