کراچی :کراچی کی انسداد دہشت گردی عدالت نے نجی چینل پر حملے اور ہنگامہ آرائی میں ملوث ایم کیو ایم کی تین خواتین کارکنان کو چار روزہ ریمانڈ پرپولیس کے حوالے کر دیا ۔ خواتین نے احاطہ عدالت میں پاکستان زندہ باد کا نعرہ لگایا۔

کراچی میں نجی چینل پر حملے اور ہنگامہ آرائی میں ملوث ایم کیو ایم چار خواتین کارکنان کو انسداد دہشتگردی عدالت پیش کیا گیا۔پولیس کے مطابق ملزمان رابعہ، قرة العین اورسمیرا کو ڈیفنس فیزون کے شاپنگ سینٹر سے ی گرفتارکیاگیا۔

ملزمان کو سی سی ٹی کیمروں، میڈیا فوٹیج اور زیر حراست ملزمان کی نشاندہی پر گرفتار کیا جبکہ ملزمان نے ایم کیو ایم قائد کی تقریر سن کر اشتعال انگیزی پھیلانے کا اعتراف کر لیا ہے۔

عدالت نے تینوں ملزمان کو چار روزہ ریمانڈ پر پولیس کے حوالے کردیا،گرفتارملزمان میں خواتین ونگ کی عہدیدار رابعہ اور بیٹی قرة العین بھی شامل ہیں۔گرفتار خواتین نے احاطہ عدالت میں پاکستان زندہ باد کا نعرہ لگایا۔خواتین کا کہنا تھا کہ ہم قسم کھا سکتے ہیں کہ پاکستان کے خلاف نعرہ نہیں لگایا اور ہم پاکستان زندہ باد کے ساتھ ہیں۔