جہلم :قومی اسملبی کی نشست این اے تریسٹھ جہلم میں ضمنی انتخابات کیلئے ووٹنگ  کا وقت ختم ہوگیا اور اب گنتی کا عمل جاری ہے ۔ الیکشن میں مسلم لیگ ن اور تحریک انصاف کے امیدوار کے درمیان سخت مقابلہ متوقع ہے۔

 جہلم میں انتخابی دنگل سج گیا۔ قومی اسمبلی کی نشست این اے تریسٹھ پر ضمنی انتخابات میں پولنگ کا وقت ختم ہوگیا ہے اور اب ووٹوں کی گنتی جاری ہے ۔چارلاکھ ستائیس ہزار سے زائد ووٹرزکے لیے  تین سو چودہ پولنگ اسٹیشنز اورنوسوچہترپولنگ بوتھزقائم کئے گئے ہیں۔انتالیس پولنگ اسٹیشنزکوانتہائی حساس اوراکتیس کو حساس قراردیا گیا ہے۔

پاک فوج کے جوان پولنگ اسٹیشنز کے اندراورباہر تعینات کیے گئے ہیں،پولنگ شام پانچ بجے تک جاری رہے گی۔مجموعی طورپرچار امیدوارحصہ لے رہے ہیں، مسلم لیگ ن کے مطلوب مہدی اورپی ٹی آئی کے چوہدری فواد کے درمیان سخت مقابلہ متوقع ہے ، یہ نشست مسلم لیگ ن کے اقبال مہدی کے انتقال کے باعث خالی ہوئی تھی۔