کراچی :وزیراعلی سندھ مراد علی شاہ   نے کہا ہے  کہ جوملک دشمنی کی بات کریں گے ان کے ساتھ سختی سے نمٹا جائے گا۔ میئر کراچی کے حوالے سے وزیراعلیٰ کا کہنا تھا کہ کسی قیدی کو اسکے عہدے کی وجہ سے خصوصی سہولت نہیں دی جا سکتی۔

وزیراعلیٰ سندھ سید مراد علی شاہ نے ملک دشمن نعروں پر اپنا موقف پھر بتا دیااور کہا کہ جو جماعتیں ملک دشمنی کی بات کریں گی،ان کے ساتھ سختی سے نمٹا جائے گا۔

سینٹرل پولیس آفس میں تقریب کے موقع پر وسیم اختر سے متعلق پوچھے گئے سوال پر وزیراعلی کا کہنا تھا کہ کسی قیدی کو اس کےعہدے کی وجہ سے خصوصی سہولت نہیں دی جا سکتی۔

سید مراد علی شاہ کا کہنا تھا کہ  کوٹہ سسٹم سیاسی معاملہ ہے جبکہ میئر کے اختیارات لوکل گورنمنٹ ایکٹ دو ہزار تیرہ کے تحت دیے جائیں گے۔انہوں نے مزید کہا کہ تجاوزات کا خاتمہ ایک دن میں ممکن نہیں،سیاسی جماعت کے دفاتر ہی نہیں گجر نالے پر قائم تین تین منزلہ عمارتیں بھی گرائی ہیں۔