راولپنڈی:راولپنڈی میں عوامی تحریک کی قصاص ریلی تو اختتام پذیرہوگئی مگر اسلام آباد کے ایک داخلی اورریڈزون میں رکھے گئے کنٹینرز نہ ہٹائے جاسکے۔

عوامی  تحریک اورعوامی مسلم لیگ کی ریلی کے شرکا کو اسلام آباد میں داخل ہونے سے روکنے کیلئے رات گئے انتظامیہ نے کنیٹنرزرکھ سڑکیں بلاک کئے رکھیں۔

راولپنڈی میں طاہرالقادری اورشیخ رشید کے خطاب کے بعد شرکا منشر ہوئے تو انتظامیہ نے فیض آباد سمیت دیگرداخلی راستوں کو کنٹینراٹھا کرکھول دیا،تاہم زیروپوائنٹ ،فائیو سٹارہوٹل کے سامنے اورنادار چوک میں کنٹینرزابھی تک نہیں ہٹائے جاسکے۔

جہاں کنٹیرزرکھے گئے ہیں وہاں سے صرف ایک ایک گاڑی گزرنے کا راستہ چھوڑا گیا ہے،انتظامیہ کا کہنا ہے کہ تھوڑی دیرتک یہ کنٹینرز اٹھالئے جائیں گے۔