کراچی :پاکستان نے نائن الیون دہشت گردی کے متاثرین کو دیگر ممالک کی حکومتوں کےخلاف قانونی چارہ جوئی کا حق دینے سے متعلق امریکی کانگریس کے بل  پرتشویش کا اظہارکیا ہے۔ ترجمان دفترخارجہ کا کہنا ہےکہ اس متنازعہ قانون سے عالمی صورت حال میں مزید پیچیدہ ہو سکتی ہیں۔

اسلام آباد میں ترجمان دفترخارجہ نے بیان میں کہاہے کہ امریکی کانگرس سے منظور متنازعہ قانون کی منظوری قابل تشویش ہے، موجودہ پیچیدہ عالمی صورتحال میں امن اورتعاون بڑھنے جیسے اقدامات کی ضرورت ہے ، نسل پرستی اورتناؤ کوفروغ دینے والے عوامل نہیں ہونے چاہیئں۔

ترجمان نے مزید کہا کہ کانگریس کا منتازعہ قانون عالمی صورت حال کو مزید پیچیدہ بناسکتا ہے ، امریکی کانگریس نے جو بل حال ہی میں منظورکیا اس کے مطابق متاثرین نائن الیون معاوضے کیلئے غیرممالک ، ان کی حکومت اور افراد کے خلاف مقدمہ درج کروا سکتے ہیں۔