اسلام آباد:قائد حزب اختلاف سید خورشید احمد شاہ نے کہا ہے کہ وزیراعظم بے بی بوائے یا دودھ پیتے بچے نہیں کہ میں انہیں ایوان میں آنے کے لیے خط لکھوں۔

قائد حزب اختلاف خورشید شاہ نے ایس آئی یو ٹی کے ڈائریکٹر ڈاکٹر ادیب رضوی سے ملاقات کی۔ اس موقع پرمیڈیا سے بات چیت مین خورشید شاہ نے وزیراعظم نواز شریف کو آڑھے ہاتھوں لیا۔

 انہوں نے کہا کہ موجودہ حکمرانوں کو پاناما لیکس کے حوالے سے جواب دینا ہوگا، نواز شریف دودھ پیتے بچے نہیں کہ انہیں پارلیمنٹ میں بلانے کیلئے خط لکھوں۔

خورشید شاہ نے پی ٹی آئی کو بھی نہ بخشا اورکہا کہ کوئی بھی رائیونڈ میں دھرنا دے لیکن ہم چادر چار دیواری کے تقدس کو پامال نہیں کریں گے کیونکہ ہماری قائد شہید بے نظیر بھٹو نے ہمیں یہ نہیں سکھایا۔

خورشید شاہ نے لیگی حکومت پر تنقید کرتے ہوئے کہا کہ موجودہ حکومت موٹروے بنارہی ہے، اورنج ٹرین چلارہی ہے مگر عوام کو صحت صفائی کی سہولیات فراہم نہیں کررہی۔