واشنگٹن ڈی سی:چھ سال کے معصوم امریکی بچے ایلکس نے صدر اوبامہ کو اومران کیلئے خط لکھا ہے ۔

صدر اوباما کا کہنا ہے کہ یہ خط ایسے بچے کی جانب سے لکھا گیا جس نے نہ تو اب تک  خوفزدہ ہونا سیکھا ہے اور نہ ہی اس کی سوچ شکوک و شبہات اور کدورت سے پراگندہ ہوئی ہے

خط میں لکھا ہے کہ

پیارے صدر اوباما

آپ کو شام میں ایمبولینس میں موجود بچہ تو یاد ہوگا، کیا آپ اس معصوم کو وہاں سے نکال کر ہمارے گھر پہنچا سکتے ہیں؟ آپ اپنی گاڑی ہماری سڑک یا ڈرائیووے پر کھڑی کرسکتے ہیں۔ہم امریکی پرچم، پھولوں اور غباروں کے ساتھ آپ سب کا استقبال کریں گے۔

 ہم اومران کو اپنے خاندان کا حصہ بنائیں گے اور وہ ہمارا پیارا سا بھائی ہوگا۔میری چھوٹی بہن کیتھرائن نے تو اومران کیلئے تتلیاں اور جگنو بھی پکڑنا شروع کردیے ہیں۔

اسکول میں میرا ایک دوست عمر ہے، وہ بھی شامی ہے۔میں، عمر اور اومران ہم سب مل کر کھیل سکیں گے۔ہم اسے برتھ ڈے پارٹیوں میں بلائیں گے، اور وہ ہمیں ایک نئی زبان سکھائے گا، ہم بھی اسے انگلش سکھادیں گے۔جیسے ہم نے جاپانی دوست ایسٹو کو سکھائی ہے۔

آپ اومران کو بتائیے گا کہ ایلکس تمہارا بھائی ہوگا اور وہ تمہاری طرح کا ایک اچھا بچہ ہے۔اومران اپنے کھلونے تو نہیں لاسکے گا لیکن کیتھرائن اپنے کھلونے اسے دے دیگی۔میں اپنی سائیکل بھی اومران کے ساتھ شیئر کرلوں گا، میں اسے چلانا بھی سکھا دوں گا۔میں اسے حساب میں جمع تفریق کرنا بھی سکھا دوں گا۔

بہت بہت شکریہ، میں آپ کا انتظار کررہا ہوں، ایلکس، عمر چھ سال۔

اقوام متحدہ کے مہاجرین اجلاس سے خطاب میں امریکی صدر اوباما نے خط کا ذکر کیااور کہا کہ اگر ہم سب ایلکس کی طرح ہوجائیں تو ذرا تصور کریں دنیا کیسی ہوگی۔

https://www.youtube.com/watch?v=F6r1kbQH8hI&feature=youtu.be

Video Courtesy: Youtube Channel: The White House