مظفرآباد:پاک فوج نے سرجیکل اسٹرائیک کے بھارتی دعوے کو یکسر مسترد کرتے ہوئے واضح کیا ہے کہ بھارت نے پاکستان پرجنگ مسلط کی توافغان سرحد سے فوجیں واپس بلا لی جائیں گی اور بھارت کو ناقابل تلافی نتائج بھگتناہوں گے۔

ڈی جی آئی ایس پی آر لیفٹیننٹ جنرل عاصم سلیم باجوہ کی کنٹرول لائن پرملکی اورغیرملکی صحافیوں کو بریفنگ، ملکی وغیرملکی میڈیا نے خود بھارتی جھوٹ کی ثبوت دیکھے۔

بھمبر سیکٹر کے علاقہ باغ سر میں میڈیا ست گفتگو میں ترجمان پاک فوج نے بتایا کہ بھارتی سرجیکل اسٹرائیک کا دعویٰ جھوٹا، بے بنیاد ، اپنی عوام کو مطمئن، مسئلہ کشمیر سے توجہ ہٹانے اور دنیا کیلئے گمراہ کن تھا۔

 کنڑول لائن پرسرجیکل سٹرائیک کہاں ہوئی۔ کہیں بھارتی ہیلی کاپٹر، چھاتہ برداریا کمانڈوزنہیں دیکھے گئے، بھارت نے اشتعال انگیزی کی، پاک فوج نے بھرپورجواب دیا  ۔

پاک فوج نے اس عزم کو دہرایا کہ پاکستان کا نمک کھایا، جان دینے کو ہردم تیار ہیں، دشمن نے مہم جوئی کی توایسا جواب دیا جائے گا کہ ہمیشہ یاد رکھے گا اور خبردارکیا کہ مشرقی سرحد پرکشیدگی میں اضافہ مغربی سرحد پر دستوں میں کمی کا باعث ہوگا۔

بھارتی فوجی کی گرفتاری سے متعلق صحافیوں کے سوال پرفوجی ترجمان نے بتایا کہ اگر کوئی بھارتی غلطی سے کنڑول لائن کے اس طرف آیا ہے توضابطے کی کارروائی مکمل کی جائے گی۔