اسلام آباد: پیپلزپارٹی کے چیئرمین بلاول بھٹو زرداری نے ایک مرتبہ پھر پاناما پیپرز پر وزیراعظم نواز شریف سے احتساب کا مطالبہ کردیا۔

پیپلزپارٹی کے چیئرمین بلاول بھٹو زرداری نے پارلیمنٹ ہاوس کے باہر میڈیا سے گفتگو کرتے ہوے کہا کہ وزیراعطم نےوعدہ کیا تھا پاناما پیپرز پر احتساب کیا جائے گا، وزیراعظم احتساب کاوعدہ پورا کیوں نہیں کرتے؟

 پی پی چیئرمین کا کہنا تھا کہ پیپلزپارٹی نے پارلیمنٹ کے مشترکہ اجلاس میں شرکت کر کے دنیا کو پیغام دیا کہ کشمیرکے ایشو پر ہم سب ایک ہیں، کشمیر پرسیاست نہیں کرنی چاہیے، وزیراعظم نے اے پی سی بلا کر دنیا کو پیغام دیا کہ ہم سب ایک ہیں۔  اے پی سی میں چند ایشو پر تحفظات کا اظہار کیا ، اجلاس میں وزیراعظم کو کچھ تجاویز بھی دی تھیں۔

بلاول بھٹو زرداری نے کہا کہ اقتصادی راہداری منصوبہ پیپلزپارٹی کا تھا ، لوگ اقتصادی راہداری پر اعتراضات کر رہے ہیں، میں نے وزیراعظم سے کہا کہ وہ صرف پنجاب کے نمائندے نہیں، وزیراعظم سی پیک پر صوبوں کے تحفظات دورکریں۔

چیرمین پیپلزپارٹی کا کہنا تھا کہ وزیراعطم نےوعدہ کیا تھا پاناما پیپرز پر احتساب کیا جائے گا، وزیراعظم احتساب کاوعدہ پورا کیوں نہیں کرتے؟ دنیا کا سب سے بڑا کرپشن اسکینڈل حل ہونا چاہیے، پارلیمنٹ کسی کی جاگیر نہیں ہے، قومی اسمبلی میاں صاحب کی پراپرٹی نہیں، پیپلزپارٹی میں بھی تبدیلی لاؤں گا،  دوہزار اٹھارہ میں پیپلزپارٹی وزیراعظم ہاؤس میں جبکہ نوازشریف جیل میں ہوں گے۔

بلاول بھٹو زرداری نے مزید کہا کہ اگر موجود وقت میں پاکستان کا طاقتور وزیر خارجہ ہوتا تو دنیا میں ہماری پوزیشن مختلف ہوتی، ہم نے ہمیشہ ملکی مفاد کو ترجیح دی۔

]]> Pakistan https://www.aaj.tv/news/64038 Wed, 05 Oct 2016 14:56:34 +0500 none@none.com (ھمیر رانا)