لاڑکانہ :لاڑکانہ کے چانڈکا اسپتال میں ڈائیلاسز کرانے والے مزید چار مریضوں میں ایچ آئی وی وائرس کی تشخیص ہوگئی، متاثرہ افراد کی تعداد ترپن تک جا پہنچی ہے۔

لاڑکانہ کا چانڈکا اسپتال جہاں مریض آئے تو ڈائیلاسز کرانے تھے مگر مریضوں میں ایچ آئی وی وائرس کی تصدیق ہوئی ہے۔
متاثرین کے اہل خانہ کا دعویٰ ہے کہ برائی کی اصل جڑ ڈائیلاسز مشین ہےجسے صاف نہیں کیا جاتا ہے اور اسی کی وجہ سے مریضوں میں ایڈز پھیل رہا ہے۔

ڈائیلاسز کیلئے اسپتال پہنچنے والے دیگر مریض خوف کا شکار ہیں مگرضلع کے دیگر اسپتالوں میں ڈائیلاسز کی سہولت نہیں ہے اور مریض چانڈکا اسپتال سے علاج کرانے پر مجبور ہیں۔

ہفتے کو بھی چار مریضوں میں ایچ آئی وی پازیٹو کا انکشاف ہوا جس کے بعد متاثرہ افراد کی تعداد بڑھ کر ترپین ہوگئی۔انچارج شعبہ نیفرولوجی زاہد شیخ نے بتایا کہ ایچ آئی وی اور ایڈز میں فرق ہوتا ہے۔

ایڈز کنٹرول پروگرام کی جانب سے گزشتہ روز سیکریٹری صحت کو رپورٹ بھیج دی ہے۔ متاثرہ مریضوں کے خون کے نمونے بھی کراچی اور اسلام آباد بھجوائے جاچکے ہیں تاہم رپورٹ کا انتظار ہے۔