کراچی:کراچی میں پیپلزپارٹی کی سلام شہدا ءریلی کیلئے تیاریاں مکمل کرلی گئی ہیں۔

 پرجوش کارکنوں کے قافلے اندرون سندھ سمیت کراچی کے مختلف علاقوں سے بلاول ہاؤس پہنچ رہے ہیں۔

استقبالیہ کیمپوں پر کارکنوں کے دھمال اور جگہ جگہ پیپلزپارٹی کے پرچموں کے بینرز اور پرچم نے سیاسی گرما گرمی میں اضافہ کردیا ہے۔

 ریلی کے روٹ کے اطراف کے علاقوں کو رکاوٹیں لگا کر بند کردیا گیا ہے۔

بلاول آج اپنے کارکنوں کا لہو گرمانے ریلی کی قیادت کررہے ہیں،گزشتہ رات بھی بلاول بھٹو بلاول ہاؤس چورنگی پر قائم استقبالیہ کیمپ پہنچےاور جیالوں کو ریلی میں بھرپور انداز سے شرکت کیلئے تیار کیا۔

شہر کے مختلف مقامات پر پارٹی پرچم اور بینرز بھی آویزاں ہیں،گرمی میں ہے جیالوں کا کڑا امتحان،

اسی لئے پانی کا کیا گیا ہے بھرپور انتظام،بلاول ہاؤس پر 15ہزار ریلی کے شرکاء کیلئے ایک لاکھ جبکہ پولیس اہلکاروں کیلئے 10 ہزار پانی کی بوتلیں پہنچائی گئیں۔

سیکیورٹی کے بھی فول پروف انتظامات ہیں،رینجرز اور پولیس کی بھاری نفری کسی بھی ناخوشگوار واقعے سے نمٹنے کیلئے تیار ہیں۔

شہداء کو خراج تحسین پیش کرنے اور ریلی کو کامیاب بنانے،لیمارکیٹ کے کارکنان نے خون کے چراغ بھی روشن کئے۔