اسلام آباد:سپریم کورٹ نے سندھ پبلک سروس کمیشن کومزید تقرریوں سے روک دیا۔

سپریم کورٹ میں سندھ پبلک سروس کمیشن کے چیئرمین اوراراکین کی تقرری سے متعلق ازخود نوٹس کی سماعت چیف جسٹس کی سربراہی میں 3 رکنی بنچ نےکی۔

سپریم کورٹ نے سندھ پبلک سروس کمیشن میں مزید تقرریوں سے روکنے کے احکامات دے دیئے۔

ایڈوکیٹ جنرل سندھ نے عدالت سے حکم امتناعی نہ لگانے کی درخواست کرتےہوئے کہاکہ بہت سے امیدوارتعیناتی کے آرڈرکے منتظر ہیں، ان کا کہنا تھا کہ عدالتی حکم امتناعی سے سسٹم رک جائے گا۔

چیف جسٹس انورظہیرجمالی نے کہاکہ 15 روزمیں کوئی قیامت نہیں آجائےگی،ایسے شخص کوکمیشن کاچیئرمین بنایاجو اہل نہیں۔

جس پرسندھ حکومت کے وکیل نے کہاکہ چیئرمین قابل اورسینئر بیورروکریٹ ہیں،گریڈ 20 میں 5 سال تک کام کیا ہے۔

چیف جسٹس نے اپنے ریمارکس میں کہا کہ چیئرمین سندھ پبلک سروس کمیشن نے بے شک 25 سال سروس کی ہو لیکن وہ اس عہدے کیلئے اہل نہیں تھے۔

سپریم کورٹ نے ازخود نوٹس کی سماعت 3 نومبرتک ملتوی کر دی گئی ۔