مالاکنڈ :پاکستان تحریک انصاف کے سربراہ عمران خان نے  دعویٰ کیا ہے کہ دو نومبر کو نئی تاریخ رقم کرنے کیلئے کشتیاں جلا کر اسلام آباد جائیں گے اور وزیراعظم نواز شریف ڈاکووں کی ٹیم کے کپتان ہیں۔

مالاکنڈ میں جلسے سے خطاب کرتے ہوئے عمران خان کا کہنا تھا کہ دس لاکھ افراد کا مجمع نواز شریف کو حکومت نہیں کرنے دے گا۔ اپنے خطاب میں عمران خان نے دو نومبر کے احتجاج کو زندگی کا اہم ترین میچ قرار دے دیا اور کہا کہ  اب  نوازشریف استعفیٰ دیں گے یا تلاشی۔

انہوں نے وزیراعظم کو ملک کیلئے سکیورٹی تھریٹ قرار دیا اور کہا کہ ڈاکوؤں کے سردار نوازشریف سے اسلام آباد میں ٹاس کروں گا۔انہوں نے الزام عائد کیا کہ ڈاکوؤں کی ٹیم کے کپتان نوازشریف اور نائب کپتان اسفندیار ولی ہیں۔

مالاکنڈ روانگی سے قبل بنی گالا کے باہر بھی کپتان نے میڈیا سے بات چیت  میں کہا کہ ہو سکتا ہے موٹو گینگ کیلئے بھی فوج کی ضرورت پڑ جائے،انہوں نے ڈان میں شائع ہونے والی متنازعہ خبر کا بھی حوالہ دیا اور  مطالبہ کیا کہ قومی سلامتی کی خبر جس نے لیک کی اسے سامنے لایا جائے۔

عمران خان نے مزید دعویٰ کیا کہ پیپلزپارٹی کولانگ مارچ کی ضرورت نہیں پڑے گی ۔ اس سے پہلے ہی سب کچھ آر پار ہو چکا ہو گا۔

]]> Pakistan https://www.aaj.tv/news/66695 Mon, 24 Oct 2016 16:13:37 +0500 none@none.com (ھمیر رانا)