کراچی : پیپلز پارٹی کے سینئر رہنماوں نے پاکستان تحریک انصاف کے سربراہ عمران خان کو تنقید کا نشانہ بناتے ہوئے کہا ہے کہ احتجاج کا حق ضرورہے لیکن جمہوریت کو نقصان نہیں پہنچنا چاہیئے۔

پیپلزپارٹی سندھ کے سینئررہنماؤں کی عمران خان پرسیاسی گولہ باری جاری ہے،مولابخش چانڈیو نے کہا ہے کہ عمران خان کی اب دونمبری کی سیاست نہیں چلے گی۔

پنجابی پختون اتحاد کے مظہرشیرازی گروپ کی پیپلزپارٹی میں شمولیت کے موقع پرپی پی رہنمامولابخش چانڈیوکا کہنا تھا کہ جس شخص کو تحریک چلانے کے لیے وقت اورتاریخ کا  پتہ نہیں اسے سیاست کا کیا پتہ۔

سینئروزیرنثارکھوڑوکا کہنا تھا کہ اسلام آباد بند کرنے کی دھمکیاں دینے والے تیسری قوت کے ساتھ رہنے میں خوشی محسوس کرتے ہیں،لیکن انہیں پتہ نہیں کہ اب آٹھاون ٹوبی آئین کا حصہ نہیں۔

رہنماؤں کا کہنا تھا کہ پاناما لیکس میں ملوث لوگوں کا احتساب ہمارا بھی مطالبہ ہے،احتجاج سب کا حق ہے مگرجمہوری سسٹم کونقصان نہیں پہنچنا چاہیئے۔