کوئٹہ: سانحہ کوئٹہ کے خلاف بلوچستان میں تمام سرکاری دفاتروں میں قومی پرچم سرنگوں ہیں اورتین روزہ سوگ منایا جارہا ہے ۔ دوسری جانب  کاروباری مراکز بند ہیں اور ٹرانسپورٹ بھی معمول سے کم ہے ۔

کوئٹہ میں  دہشت گردی اور زیر تربیت پولیس اہلکاروں کی شہادت پر پورا ملک غمزدہ ہے ۔بلوچستان میں تین روز سوگ منایا جارہا ہے جبکہ تمام سرکاری عمارتوں پر قومی پرچم سرنگوں ہیں۔

 کوئٹہ میں تجارتی مراکز بند ہیں اور سرکاری دفاتر کے ساتھ تعلیمی اداروں میں بھی حاضری معمول سے کم ہے۔ عوام کا کہنا ہے کہ پوری قوم دہشت گردی کے خلاف اپنی فورسز کے شانہ بشانہ کھڑی ہے ۔

بلوچستان کے دیگر شہروں میں بھی سوگ کی فضا ہے اور شہری شہید اہلکاروں کےبلند درجات کے لیے دعاگو ہیں۔