اسلام آباد: وزيرداخلہ چوہدری نثار کا کہنا ہے کہ ڈان کی پلانٹڈ خبر کا اصل راوی صحافی ہے۔

حکومت نے پہلی بار پرویز رشید کی غلطی کا انکشاف کردیا۔وزیرداخلہ نے بتایا کہ  وزیراطلاعات پرویز رشید نے خبر کو شائع ہونے سے رکوایا نہ حکومت کو بتایا۔

چوہدری نثار نے ڈان کی خبر کی تحقیقات کو ہائی پروفائل کیس بھی قرار دے دیا۔انہوں نے دعویٰ کیا کہ خبر مکمل طور پر جھوٹی اور خودساختہ ہے۔ سول اور عسکری قیادت کے درمیان آج تک کوئی تلخی نہیں ہوئی۔

وزیر داخلہ کا کہنا تھا کہ ڈان کی خبر پر انکوائری ہوئی، پہلے وزیراعظم اور پھر آرمی چیف کو تفصیلات سے آگاہ کیا گیا

اس کے بعد پرویز رشید کی وزارت سے علیحدگی کی پریس ریلیز جاری ہوئی۔

ان کا کہنا تھا کہ خبر میں سیکریٹری خارجہ کے حوالے سے بھی جھوٹ بولا گیا ۔انہوں نے پاکستان کے تنہا ہونے کی بات نہیں کی۔

چوہدری نثار نے کہا کہ خبر کے پیچھے موجود ہاتھ اور ذہن کو سامنے لانے پر اتفاق پایا جاتا ہے۔

وزیرداخلہ کا کہنا تھا کہ ڈان، اے پی این ایس اور سی پی این ای نے یقین دہانی کرائی تھی کہ  سرل ملک سے باہرنہیں جائےگا، اور اگر گیا تو تحقیقات کیلئے بلانے پر واپس آجائےگا۔

http://www.dailymotion.com/video/x4ztqjj_chaudhry-nisar-ali-khan-speech-sunday-30-oct-part-2_news