کہوٹہ:وزیراعظم نوازشریف نےکہاہے کہ گالی دینے والااور مسلسل جھوٹ بولنے والا آپ کا لیڈر نہیں ہوسکتا ،مخالفین کوپاکستان کی ترقی ہضم نہیں ہورہی ۔ 

وزیراعظم نوازشیریف نے کہوٹہ میں اجتماع عام سے خطاب کرتے ہوئے کہا ہے کہ دھرنادینےوالےپھرچاہتےہیں ملک میں 16، 16گھنٹےکی بجلی کی لوڈشیڈنگ شروع ہوجائے، اگر بجلی کی لوڈ شیڈنگ ختم ہورہی ہے، تو آؤ ہمارے ساتھ مل کر کام کرو۔

انہوں نے مزید کہا کہ کوئی بتائے کہ یہ صرف مسلم لیگ ن کی ذمے داری تھی؟ ہم کسی سے ڈرنے اور گھبرانے والے نہیں ہیں،صرف اور صرف پاکستان کو ترقی کرنا دیکھنا چاہتے ہیں۔

وزیر اعظم کا کہنا تھاکہ 2018 کے انتخابات کے بعد آؤں گا اور بتاوں گا کہ بجلی کی لوڈ شیڈنگ ختم ہوگئی ہے۔

 انہوں نے عمران خان کا نام لئے بغیر تنقید کرتے ہوئے کہا کہ گالی دینے والا، مسلسل جھوٹ بولنے والا، اورسرعام لوگوں کی پگڑیاں اچھالنے والا آپ کا لیڈر نہیں ہوسکتا۔

وزیر اعظم میاں محمد نواز شیریف کا کہناتھا کہ ہم محنت اور دیانت داری سے کام کررہےہیں، ترقی کا پہیہ روکنے والے کامیاب نہیں ہوں گے۔

 انہوں نے مزید کہا کہ پاکستان کی ترقی ہورہی ہے، سب آؤ اپنا حصہ ڈالو اور ہاتھ بٹاؤ، انہوں نے مزید کہا کہ ریلوے اور پی آئی اے اپنے پاوں پر کھڑی ہوگئی ہے، غریبوں کو مفت علاج فراہم کرنے کا پروگرام نڑھ بھی آئے گا۔

انہوں نے علاقے کے لیے ترقیاتی منصوبوں کا اعلان کرتے ہوئے کہا کہ کہوٹہ اورکلرسیداں میں100کلو میٹرکی سڑکیں بنانے کیلئے فنڈ کااعلان کرتاہوں،اور راولپنڈی سے کہوٹہ برج بنانے کا اعلان کرتاہوں۔