اسلام آباد:صدرمملکت ممنون حسین سے وزیر اعظم محمد نواز شریف نے ملاقات کی ہے جس میں اس بات پراتفاق کیا گیا کہ  سی پیک منصوبہ کی بروقت تکمیل کیلئے کوئی رکاوٹ برداشت نہیں کی جائے گی۔

صدرمملکت ممنون حسین سے وزیر اعظم محمد نواز شریف کی ایوان صدر میں ملاقات ہوئی،ملاقات میں امن وامان کی صورت حال او ر اقتصادی امور پر مشاورت سمیت دونوں رہنماؤں کی ملک کی مجموعی صورت حال اور اہم قومی امور پر با ت چیت کی گئی۔

 دونوں راہنماوں کی جانب سے مقبوضہ کشمیر میں جاری مظالم کی شدید مذمت کی گئی اور اس بات پر اتفاق کیا گیا کہ مسئلہ کشمیر کو اقوام متحدہ کی قرار دادوں کے مطابق حل کیا جائے۔

 صدر ممنون حسین نے کہا کہ وزیر اعظم  کی سربراہی میں اقتصادی ٹیم قابل قدر کردار ادا کر رہی ہے اور بین الاقوامی مالیاتی اداروں کاپاکستانی معاشی ترقی پر اعتمار کا اظہارمثبت قدم ہے۔

 صدر مملکت اور وزیر اعظم نےآپریشن ضرب عضب کے دوران حاصل ہونے والی کامیابیوں پر اطمینان کا اظہارکیا۔

دونوں رہنماؤں نے اس عزم کا اظہارکیا ہے کہ سی پیک منصوبہ کی بروقت تکمیل کیلئے کوئی رکاوٹ برداشت نہیں کی جائے گی۔