لاہور:لاہور ہائیکورٹ نے سابق وزیراعظم یوسف رضا گیلانی کے بیٹے علی موسیٰ گیلانی کا نام ای سی ایل سے نکالنے کا حکم دے دیا۔

لاہور ہائیکورٹ کے جسٹس شمس محمود مرزا نے دائر درخواست کی سماعت کی،درخواست گزار علی موسیٰ گیلانی کے وکیل نے عدالت کو بتایا کہ حکومت کی ایما پر ان کے موکل کو ایفی ڈرین کیس میں ملوث کیا گیا،جس کا مقدمہ 2010 میں دائر ہوا جبکہ 2011 میں ایک سال بعد ان کا نام ای سی ایل میں ڈال دیا گیا،جس کے باعث کئی اہم کاروباری معاملات کے لیے ملک سے باہر نہیں جا سکے۔

اس حوالے سے وزارت داخلہ کو درخواستیں بھی دی گئیں جن کا کوئی جواب نہیں دیا گیا،عدالت نام ای سی ایل سے نکالنے کا حکم دے۔

سرکاری وکیل نے عدالت کو بتایا کہ علی موسٰی گیلانی پر ایفی ڈرین کا مقدمہ درج ہے،جس کی ا سمگلنگ سے ملک کی بدنامی ہوئی۔

عدالت نے دلائل سننے کے بعد اپنے مختصر فیصلے میں علی موسیٰ گیلانی کا نام ای سی ایل سے نکالنے کا حکم دے دیا۔

http://www.dailymotion.com/video/x51xldv