لاہور:لاہور میں ہائیکورٹ کے باہر سکھ رہنما مستان سنگھ کی گرفتاری کے خلاف احتجاج کیا گیا۔

لاہور ہائیکورٹ کے باہر سکھ رہنما مستان سنگھ کی گرفتاری کے خلاف سکھ برادری سے تعلق رکھنے والے افراد جمع ہوگئے،مظاہرین کا کہنا تھا کہ سابقہ سکھ گوردوارہ پربندھک کے کمیٹی کے پردھان مستان سنگھ کے خلاف ملک دشمنی کے جھوٹ پر مبنی الزامات لگائے گئے،تیس افرادکے خلاف مقدمہ درج کرکے مستان سنگھ کو گرفتار کرلیا گیا۔ملکی قانون کے مطابق اقلیتوں کو اپنے مذہب پر عمل کرنے کے لیے مکمل آزادی حاصل ہے۔

سکھ مظاہرین کا کہنا تھا کہ سکھ برادری سمیت تمام اقلیتیں محب وطن ہیں،ملک کے خلاف کوئی غیرآئینی اقدام کا سوچ بھی نہیں سکتے۔ مظاہرین نے مطالبہ کیا کہ جھوٹ پر مبنی مقدمات خارج کرکے سکھ رہنما مستان سنگھ کو فوری رہا کیا جائے۔