اسلام آباد: ترکی نے مسئلہ کشمیر کو حل کرانے کی کوشش کو مزید بڑھانے کے عزم کا اظہار کردیا۔

ترکی کے صدر طیب اردوان کا دورہ پاکستان کا اعلامیہ جاری کردیا گیا ۔اعلامیے میں کہا گیا ہے کہ ترکی میں بغاوت کی کوشش قابل مذمت ہے۔ اعلامیے کے مطابق اسٹریٹجک کونسل کا آئندہ اجلاس ترکی میں ہوگا اور مسئلہ کشمیر کو حل کرانے کی کوششوں کو مزید بڑھایا جائے گا۔

اعلامیے میں پاکستان اور ترکی کے درمیان دہشت گردی کیخلاف ملکر کام کرنے کے عزم کا اعادہ بھی کیا گیااورکہا گیا ہے کہ آزاد تجارت کے معاہدے پر بات چیت کا عمل تیزی سے آگے بڑھایا جائے گا۔

 اعلامیے میں عزم کا اظہار کیا گیا کہ ترقی کیلئے دونوں ملک ملکر کام کرتے رہیں گے اور عالمی طاقتوں سے بالواسطہ طور پر مطالبہ کیا گیا کہ  اقوام متحدہ کی سیکیورٹی کونسل میں توسیع منصفانہ بنائی جائے۔