لاہور:پاکستان مسلم لیگ ق کے صدر چودہری شجاعت حسین نے کہا ہے کہ وہ خود مے فیئر فلیٹس میں ایک بار ضیافت کھا چکے ہیں۔ پاناما لیکس کیس میں قطری شہزادہ شہادت کیلئے سپریم کورٹ میں پیش نہیں ہو گا۔

لاہور میں پیپلز پارٹی کے سینئر رہنماء جہانگیر بدر مرحوم کے اہلخانہ سے تعزیت کے بعد میڈیا سے گفتگو کرتے ہوئے چودہری شجاعت حسین نے کہا کہ آرمی چیف کی تقرری کے حوالے سے وزیراعظم نواز شریف کو جو اختیار تھا انہوں نے اسکے مطابق فیصلہ کیا۔

چوہدری شجاعت نے امید کا اظہار کیا کہ نئے سپہ سالار ملکی سلامتی سے متعلق بہتر فیصلے کریں گے۔ انہوں نے کہا کہ پاناما لیکس کیس کا فیصلہ سب کے سامنے آ جائے گا لیکن قطری شہزادہ منظر عام سے غائب ہی رہے گا۔

معروف قانون دان ایس ایم ظفر کا کہنا تھا کہ انصاف کے تقاضے پورے کرنے کیلئے پاناما لیکس کیس کی طوالت میں کوئی حرج نہیں۔ اس کیس میں کمیشن بنانا ہی ایک مستحکم فیصلہ ہو گا۔

ایس ایم ظفر نے عدلیہ کے حوالے سے پیپلز پارٹی کے مؤقف کی نفی کرتے ہوئے کہا کہ سابق وزیر اعظم یوسف رضا گیلانی کو توہین عدالت کیس میں سزا ہوئی جبکہ پاناما لیکس میں معاملہ شہادتوں اور جراح تک جائے گا۔

]]> Pakistan https://www.aaj.tv/news/71838 Sun, 27 Nov 2016 13:26:23 +0500 none@none.com (ھمیر رانا)