کراچی: امريکی نومنتخب صدر ڈونلڈ ٹرمپ کی وزيراعظم نواز شريف سے گفتگو نے ٹرمپ کی ڈپلوميسی اور پاکستان کی' نيت' دونوں پر بحث چھيڑ دی۔

 امريکی رسالے ٹائمز کا کہنا ہے کہ ٹرمپ کی گفتگو کی جو تفصيلات جاری کی گئيں ان سے يہ لگتا ہے کہ وہ اپنی سفارتی گفتگو ميں مبالغہ آرائی سے کام ليتے ہيں۔

 پاکستان حکومت کی جانب سے جاری کردہ بیان کے مطابق ٹرمپ نے نوازشريف کی تعريف کرتے ہوئے انہيں لاجواب آدمی کہا۔ انہوں نے کہا کہ پاکستان ہرشعبے ميں بہترين کام کررہا ہے۔

بیان کے مطابق اس موقع پر ٹرمپ نے پاکستان کيلئے اپنی خدمات بھی پيش کيں۔ تاہم اس سے پہلے ٹرمپ اپنی صدراتی مہم کے دوران پاکستان پر کڑی تنقيد کرچکے ہيں۔

 ٹائمز کے مطابق، ٹرمپ نے اسی طرح مبالغہ آرائی سے کام ليا جيسے وہ انتخابات سے قبل کرتے آئے ہيں۔

جہاں اس ٹيليفونک گفتگو نے ڈونلڈ ٹرمپ کی سفارتکاری پربحث چھيڑی، وہيں حکومت پاکستان پر بھی سخت تنقيد دیکھنے میں آئی۔

سی اين اين کے تجزيہ کاروں کے مطابق پاکستان کو کوئی حق نہيں تھا کہ وہ ايک غير ملکی سربراہ کی گفتگو کی تفصيلات جاری کرے۔

تجزیہ کاروں کا کہنا تھا کہ پاکستان حکومت کی جانب سے ٹیلی فونک بات چيت کا ريڈ آؤٹ جاری کرنا انتہائی ناموزوں عمل ہے، يہ سفارتی پروٹوکول اور روايت کيخلاف ورزی ہے۔

شايد پاکستان بھارت کو دکھانا چاہ رہا ہے کہ ڈونلڈ ٹرمپ سے ہمارے قريبی تعلقات ہيں۔

اس بحث پر ڈونلڈ ٹرمپ کی ميڈيا ٹيم تو خاموش رہی ليکن وائٹ ہاؤس کو ايک مختصر بيان دينا پڑا جس ميں کہا گيا کہ اس بحث پر رد عمل ٹرمپ کی ٹيم کی جانب سے ہی آئے تو بہتر ہے۔