نئی دہلی :پرامن اور استحکام افغانستان کیلئے دو روزہ ہارٹ آف ایشیا کانفرنس آج سے بھارت کے شہرامرتسرمیں شروع ہوگئی ہے۔ کانفرنس میں چالیس سے زائد رکن اور مبصر ممالک شریک ہیں پاکستان کی نمائندگی مشیرخارجہ سرتاج عزیزکریں گے۔

اعلان کردہ شیڈول کے مطابق مشیر خارجہ کو اتوار کے روز بھارت جانا تھا تاہم اب ان کا شیڈول اچانک تبدیل کردیا گیا جس کے تحت وہ آج ہی بھارت روانہ ہوگئے۔ مشیر خارجہ سرتاج عزیز خصوصی پرواز کے ذریعے نور خان ایئربیس سے بھارت کے شہر امرتسر روانہ ہوئے۔

پاکستان نے پہلے ہی واضح کردیا ہے افغانستان میں قیام امن و استحکام کیلئے کانفرنس میں شرکت کررہا ہے کیو نکہ خطے سے امن افغانستان کے استحکام سے مشروط ہے ۔